Arsenal mætir Fenerbahce

Enska úrvalsdeildarliðið Arsenal þarf að slá út tyrkneska liðið Fenerbahce í umspili um sæti í riðlakeppni Meistaradeildar Evrópu.

Dregið var í umspilið í höfuðstöðvum UEFA í Nyon í Sviss í dag. Arsenal hafnaði í fjórða sæti ensku úrvalsdeildarinnar í fyrra og þarf því að komast yfir tyrknesku hindrunina ætli það sér sæti í riðlakeppninni.

Meðal leikmanna hjá tyrkneska liðinu er Dirk Kuyt, fyrrum leikmaður Liverpool. Leikirnir fara fram 20/21 ágúst og 27/28 ágúst.

Umspilsleikirnir

Fenerbahce - Arsenal

Lyon - Real Sociedad

PSV Einhoven - AC Milan

Dinamo Zagreb - Austria Wien

Ludogorets Razgrad - FC Basel

Viktoria Plzen - NK Maribor

Steaua Bucharest - Legia Warsaw

Shakhter Karagandy - Celtic

Schalke - Metalist Kharkiv

Pacos de Ferreira - Zenit St Petersburg

Liðin sem nefnd eru á undan eiga fyrri leikinn á heimavelli.