Skoraði þrennu í fyrsta leiknum með Dortmund

Borussia Dortmund vann öruggan 4-0 sigur á Augsburg í 1. umferð þýsku úrvalsdeildarinnar í knattspyrnu í dag.

Pierre-Emerick Aubameyang, framherji frá Gabon sem Dortmund keypti frá Saint-Étienne í sumar, skoraði þrjú fyrstu mörkin á 55 mínútna kafla.

Pólverjinn Robert Lewandowski innsiglaði sigurinn undir lokin með marki úr vítaspyrnu.

Bayern München hóf titilvörnina í gærkvöldi með 3-1 sigri á Gladbach í gærkvöldi.

Önnur úrslit:

Bayer Leverkusen 3-1 Freiburg

Hannover 96 2-0 Wolfsburg

Hertha Berlín 6-1 Eintracht Frankfurt

Hoffenheim 2-2 Nürnberg

Eintracht Braunsweig og Werder Bremen mætast síðar í dag.