Frábær sigur hjá Vettel á Spa

Sebastian Vettel sigraði nokkuð örugglega í Belgíska kappakstrinum í dag, Fernando Alonso náði öðru sæti eftir að hafa ræst af stað níundi og Lewis Hamilton varð svo í þriðja sæti eftir að hafa verið á ráspól í upphafi keppninnar.

Það tók Sebastian Vettel innan við hálfan hring að komast fram úr Hamilton en Vettel ræsti annar af stað á eftir Hamilton.

Eftir það náði Vettel þægilegu forskoti upp á um fjórar sekúndur, sem hann lét aldrei af hendi, og sigraði í lokin með tæplega 17. sek. mun.

Alonso náði að vinna sig upp í fimmta sæti á fyrsta hring, en náði svo að komast upp í annað sætið og ná sér í mikilvæg stig í baráttunni um heimsmeistaratitilinn.

Hamilton réð ekki við hraðann á Vettel og Alonso og varð því að láta sér nægja þriðja sætið.

Kimi Raikkonen féll úr leik og missti þar með Alonso og Hamilton, fram úr sér í stigakeppninni, en með sigrinum í dag er Vettel kominn með 197 stig Alonso 151 og Hamilton 139.

Lokaúrslit í Belgíska kappakstrinum:

1. Sebastian Vettel - Red Bull

2. Fernando Alonso - Ferrari

3. Lewis Hamilton - Mercedes

4. Nico Rosberg - Mercedes

5. Mark Webber - Red Bull

6. Jenson Button -Mclaren

7. Felipe Massa - Ferrari

8. Romain Grosjean - Lotus

9. Adrian Sutil - Force India

10. Daniel Ricciardo - Toro Rosso

11. Sergio Perez - Mclaren

12. Jean-Eric Vergne - Toro Rosso

13. Nico Hulkenberg - Sauber

14. Esteban Gutierrez - Sauber

15. Valtteri Bottas - Williams

16. Giedo van der Garde - Caterham

17. Pastor Maldonado - Williams

18. Jules Bianchi - Marussia

19. Max Chilton - Marussia.