Balotelli með leiðindi á æfingu | Myndband

Hinn uppátækjasami Mario Balotelli, leikmaður AC Milan, er eftirlæti fjölmiðla en hann hefur oft sýnt að hann er ekki beint skemmtilegasti liðsfélaginn.

Hann hefur átt það til að vera með leiðindi og fautaskap á æfingum. Hann er ekkert að vaxa upp úr því.

Hann var eitthvað illa fyrirkallaður á æfingu um daginn og lét þá Andrea Poli finna fyrir því. Hné í bak hefur aldrei þótt vera skemmtilegt.

Poli brá en hann nennti ekki að rífast við Balotelli þó svo honum væri illt í bakinu.