Orðljótur rappari úr Garðabænum

Rapparinn Egill Friðrik kallar sig Orðljótan. Hann er úr Garðabænum og lauk nýverið við sitt fyrsta myndband við lagið Ég er Mörður.

Egill kom í heimsókn til Harmageddon og spjallaði um nýja lagið og myndbandið. Þar fékk hann vinkonur sínar til að mæta í bíkíní og vini til að vera með sér í almennum vitleysisgangi.

„Það er mikil eftirspurn eftir rappi á íslensku,“ segir Egill en myndbandið má sjá hér fyrir neðan. Egill hvetur fólk einnig til að kíkja á síðuna sína, facebook.com/ordljotur til að fylgjast með næstu verkefnum hjá sér.