Balotelli gekk of langt

Mario Balotelli var í gær dæmdur í þriggja leikja bann fyrir hegðun sína í leiknum gegn Napoli um helgina. AC Milan ætlar ekki að áfrýja banninu.

Mauro Tassotti, aðstoðarþjálfari Milan, segir að Balotelli geti ekki afsakað sína hegðun og hafi átt skilið að fá rauða spjaldið.

Balotelli skoraði í leiknum, klúðraði sínu fyrsta víti á ferlinum og fékk svo rautt spjald eftir leik fyrir að úthúða dómaranum.

"Það er ekki hægt að breyta neinu þegar búið er að flauta leikinn af. Leikmenn verða að hegða sér betur en þetta. Mario gekk of langt og við verðum að una þessum úrskurði," sagði Tassotti.