Alonso er ekkert á leiðinni frá Ferrari

Ökuþórinn Fernando Alonso er ekki á leiðinni til liðs McLaren en sögusagnir hafa verið á kreiki þess efnis undanfarnar vikur.

McLaren á enn eftir að ganga frá ökumannaskipan sinni fyrir næstkomandi tímabil og ætla forráðamenn liðsins að krækja í Alonso frá Ferrari.

„Ég er alltaf að endurtaka mig, ég er ekki yfirgefa Ferrari, ég elska þetta lið og mun líklega vera þar út feril minn.“

„Mér líður vel hjá Ferrari og enginn vandamál milli mín og stjórnenda liðsins,“ sagði Alonso en reglulega hafa borist fréttir af því að stirt sé sambandið milli Alonso og forráðamanna Ferrari.