Klopp búinn að framlengja við Dortmund

Þó svo Dortmund gangi illa að halda stjörnum sínum þá verður þjálfarinn magnaði, Jürgen Klopp, á sínum stað. Hann er búinn að skrifa undir nýjan samning við þýska félagið.

Nýi samningurinn er til ársins 2018 en þá verður hann búinn að stýra félaginu í tíu ár.

Klopp hefur náð frábærum árangri með Dortmund og tekist að láta liðið spila einstaklega skemmtilegan fótbolta.

"Það þarf ekkert félag að hringja í mig fyrr en 2018. Við viljum halda áfram að byggja gott lið hér í ró og næði," sagði Klopp en hann hefur verið orðaður við fjölda félaga en vill greinilega leggja þá umræða á hilluna.