Sögulegur sigur hjá Vettel

Þýski heimsmeistarinn Sebastian Vettel lauk tímabilinu í Formúlu 1 á viðeigandi hátt. Hann vann þá brasilíska kappaksturinn og undirstrikaði enn og aftur yfirburði sína.

Vettel tókst þar með að vinna níu síðustu keppnirnir sem er ótrúlegur árangur. Hann var langfyrstur í mark en annar var Mark Webber sem var að keyra formúlubíl í síðasta skiptið á ferlinum.

Fernando Alonso varð að sætta sig við þriðja sætið að þessu sinni. Jenson Button varð fjórði og Nico Rosberg fimmti.

Vettel var að vinna sína þrettándu keppni á tímabilinu og hann jafnaði með því met landa síns, Michael Schumacher.