Dortmund er búið að gefast upp

Þó svo það aðeins desember hefur Tyrkinn Nuri Sahin, leikmaður Dortmund, játað sig sigraðan í baráttunni við Bayern München um þýska meistaratitilinn.

Dortmund gerði 2-2 jafntefli við Hoffenheim um helgina og fyrir vikið er liðið heilum tólf stigum á eftir Bayern.

"Ég held að það sé enginn í okkar hópi svo barnalegur að trúa því að við eigum enn möguleika. Bayern er einfaldlega of langt á undan okkur," sagði Sahin.

Dortmund vann sinn riðil í Meistaradeildinni á dramatískan hátt en ekki hefur gengið eins vel heima fyrir. Liðið hefur reyndar verið einstaklega óheppið með meiðsli leikmanna í vetur og það hefur sitt að segja.