Iceland Foods notar Benz

Breska verslanakeðjan Iceland Foods skiptir öllum heimsendingarbílaflota sínum yfir í Mercedes Benz Sprinter-vöruflutningabíla, að því er fram kemur í frétt LogisticsManager.com.

Alls verður um 1.300 vöruflutningabílum skipt, en nýju bílarnir verða með sérstaka hitastýringu í flutningsrými. Fram kemur að yfir 300 nýir bílar verði komnir á göturnar fyrir lok þessa árs.

Hluti af samkomulagi Iceland Foods við Mercedes Benz er að bílaframleiðandinn styrkir Gæðamiðstöð þar sem starfsfólk fær sérstaka þjálfun í tengslum við breytinguna.