Æfingarnar lofa góðu fyrir Williams-bílinn

Bíll Williams liðsins er áreiðanlegur og fljótur ef marka má æfingar fyrir tímabilið í formúlu eitt. Þetta kemur liðinu skemmtilega á óvart, en það átti sitt versta tímabil í fyrra. Þá endaði liðið í 9. sæti í keppni bílasmiða með aðeins 5 stig.

Stjórnandi liðsins, Claire Williams, dóttir stofnanda þess, Frank Williams segir að geta bílsins komi sér á óvart og að henni sé létt. Stærsta breytingin sem liðið gerði var að skipta yfir í Mercedes vél fyrir tímabilið, áður notaði Williams Renault vélar.

Williams bíllinn var dökkblár og án styrktaraðila á æfingum fyrir tímabilið. Orðrómurinn um að Martini væri að semja við liðið hefur nú verið staðfestur. Bílar liðsins verða því hvítir, bláir og rauðir.

Williams liðið hefur unnið að innbyrðis endurskipulagningu Tæknistjórinn Mike Coughlan var rekinn sökum vandræða liðsins. Reynsluboltinn Pat Symonds hefur verið ráðinn í hann stað. Hann hefur meðal annars unnið með Michael Schumacher og Fernando Alonso.

Felipe Massa, annar ökumanna liðsins hefur þrátt fyrir allt varað við of mikilli bjartsýni fyrir fyrstu keppnina sem fram fer í Ástralíu. „Við erum kannski tilbúnari en sum önnur lið, en ég veit ekki hversu fljótir við erum í samanburði við önnur lið“ sagði Massa.

Claire Williams svara því hvort liðið verði að keppa um sigra á tímabilinu „Ég veit það ekki, við verðum að bíða og sjá. Við höfum aldrei opinberað markmiðin okkar. Formúla eitt virkar ekki þannig.“

Mikil spenna og óvissa ríkir fyrir fyrstu keppninni sem fer fram næsta sunnudag í Ástralíu. Flest liðin  vilja ekki gefa neitt upp um vonir sínar. Aðal markmiðið virðist vera að komast í mark hjá flestum þeirra.