Formúla 1

Red Bull hótar að hætta í Formúlu 1

Kristinn Ásgeir Gylfason skrifar
Christian Horner keppnisstjóri Red Bull og Dietrich Mateschitz
Christian Horner keppnisstjóri Red Bull og Dietrich Mateschitz Vísir/Getty
Eigandi orkudrykkjaframleiðandans Red Bull, Dietrich Mateschitz hefur hótað að hætta að styrkja Red Bull liðið til keppni í Formúlu 1. Hann segir að íþróttin verði að koma til móts við þarfir hans.

Dietrich Mateschitz, sem sjaldan segir skoðanir sínar, tjáir sig vegna ákvörðunar dómara í Ástralíu kappakstrinum. Dómarar keppninnar vísuðu Daniel Ricciardo, ökumanni Red Bull, úr keppni vegna brota á reglum um eldsneytisflæði.

Áfrýjunardómstóll Alþjóða akstursíþróttasambandsins (FIA) mun taka áfrýjun Red Bull vegna brottvísunanr Ricciardo fyrir þann 14. apríl.

Líklega fer fyrir brjóstið á Mateschitz að nafn orkudrykkjaframleiðslu hans, hefur verið ítrekað sett við hlið orðsins svindl í umræðu undanfarið. Vegna brottreksturs Ricciardo úr ástralska kappakstrinum. Mateschitz hefur einnig sagt að sér þyki vélarnar of hljóðlátar.

Formúla

Tengdar fréttir

Finnst nýju hljóðin heillandi

Jean Todt, forseti Alþjóða akstursíþróttasambandsins (FIA) segist vera opinn fyrir því að gera V6 vélarnar háværari. Hann er einnig tilbúinn að skoða að leyfa meiri eldsneytisnotkun ef íþróttin fer að líða fyrir strangar reglur um eldsneytismagn.

Red Bull áfrýjar máli Ricciardo

Red Bull liðið er búið að staðfesta þær fréttir að liðið hafi formlega áfrýjað úrskurði dómara formúlu eitt keppninnar í Ástralíu um síðustu helgi um að vísa Daniel Ricciardo úr keppni. Ricciardo kom annar í mark en var svo dæmdur úr leik eftir á. Ástæðan var sú að eldsneytisflæði í bíl hans fór yfir leyfileg mörk.

Ecclestone heimtar meiri hávaða

Bernie Ecclestone segir nýju vélarhljóði stríð á hendur. Ecclestone hefur frá upphafi verið mótfallinn því að skipta yfir í V6 vélar. Hann segir að bílarnir verði að fara að hljóma aftur eins og kappakstursbílar.

Daniel Ricciardo - dæmdur úr leik

Heimamaðurinn Daniel Ricciardo hefur verið dæmdur úr leik fyrir að hafa notað of mikið eldsneyti í keppninni í morgun. Ástralinn endaði í öðru sæti keppninnar.

Mest lesið


Fleiri fréttir

Sjá meira


×

Mest lesið