Fótbolti

Emil vann í slagnum um Verona

Eiríkur Stefán Ásgeirsson skrifar
Emil og félagar höfðu ástæðu til að fagna í dag.
Emil og félagar höfðu ástæðu til að fagna í dag. Vísir/Getty
Emil Hallfrðesson var í byrjunarliði Hellas Verona sem vann granna sína í Chievo, 1-0, í ítölsku úrvalsdeildinni í dag.

Bæði lið spila á sama leikvanginum í Verona en um heimaleik Chievo var að ræða. Það var þó Luca Toni sem tryggði gestunum stigin þrjú með marki á 65. mínútu.

Þetta var annar sigur Hellas í röð eftir að liðið hafði tapað fjórum í röð þar á undan. Liðið er komið með 46 stig og er í áttunda sætinu. Chievo er svo í því sextánda með 27 stig.

Emil var tekinn af velli á 84. mínútu en hann hefur verið fastamaður í liði Hellas á tímabilinu.

Ítalski boltinn

Mest lesið


Fleiri fréttir

Sjá meira


×

Mest lesið