Alonso veit hvað Ferrari þarf að bæta

Spánverjinn Fernando Alonso hjá Ferrari segir að liðið viti hvaða atriði þarfnast lagfæringa. Ferrari stefnir á að geta keppt við bestu bílana fljótlega.

Alonso lauk keppni í Malasíu í fjórða sæti talsvert á eftir Sebastian Vettel á Red Bull sem varð þriðji. Alonso lýsti keppninni sem martröð vegna þess hve erfitt var að ná gripi.

Grip út úr beygjum og vélarafl eru að mati Alonso lykilatriði sem þarf að laga.

„Við berum okkur saman við þann með sennilega mesta gripið, sem er Red Bull bíllinn, þannig að kannski er meira eða minna við mismuninum að búast,“ sagði Alonso.

„Varðandi hámarkshraða er það ekkert leyndarmál að við erum ekki sambærilegir Mercedes,“ heldur spánverjinn áfram.

Alonso hefur varið fyrstu tvemur keppnum ársins í að berjast við Nico Hulkenberg á Force India. Hann hefur ekki geta barist um sigur, en Alonso trúir að Ferrari hafi getu til að berjast á toppnum.

„Augljóslega fyrir Bahrain, er ekki mikið gert því það eru fáir dagar þangað til við erum komnir í bílinn aftur, en fyrir Kína og Spán held ég að það sé mjög skýrt hvað við þurfum að bæta á bílnum og við munum gera það,“ sagði Alonso.