Marussia vill eyðsluþak

Keppnisstjóri Marussia, Graeme Lowdon telur að Formúla 1 stefni í óefni ef eyðsluþak kemst ekki á. Eftir að liðin höfðu samþykkt að setja skorður á eyðslu ákvað skipulagsnefnd Formúlu 1 að hætta við eyðsluþakið.

Haldinn verður fundur með öllum liðum í Formúlu 1, 1. maí til að ræða ákvörðun skipulagsnefndarinnar. Marussia er meðal þeirra liða sem eru virkilega ósátt við ákvörðunina. Liðið óttast að bilið milli stærstu og minnstu liðanna muni aukast.

Ætlunin er að setja í staðinn reglugerðarákvæði sem draga úr eyðslu liðanna.

„Í gegnum tíðina, hafa reglubreytingar leitt til niðurskurðar, við höfum minnkað hluti eins og æfingar og vélar,“ sagði Lowdon.

Þrátt fyrir þær tilraunir hefur McLaren gefið út opinberlega að þar á bæ noti menn meiri fjármuni en nokkurtíman áður.

„Við höfum nú reglugerðir sem gera það að verkum að hægt er að kaupa hraða - ef þú eyðir meiru getur þú farið hraðar. Ef þak verður sett mun það koma í veg fyrir að það teygjist um of á keppendum,“ sagði Lowdon.



Hann vill að Formúla 1 fylgji fordæmi NFL deildarinnar, þar sem eyðsluþak hefur leitt til jafnari keppni.