Vísindamenn fá aðgang að öllum tístum

Twitter mun veita vísindamönnum aðgang að öllum tístum notenda vefsins.

Þetta kemur fram í frétt Scientific American um málið.

Það þýðir þó ekki að vísindamenn hafi ekki nýtt sér miðilinn við rannsóknir sínar.  Þeir hafa meðal annars hannað reiknirit sem metur líkur á fæðingarþunglyndi með því að lesa geðsveiflur úr tístum þungaðra kvenna og kannað útbreiðslu jarðskjálfta eftir dreifingu tísta.

Fram til þessa hafa vísindamenn einungis haft aðgang að takmörkuðum fjölda tísta. Þrátt fyrir að Twitter-aðgangar flestra notenda vefsins séu opnir hafa vísindamenn þurft að reiða sig á viðmót sem veitir þeim einungis aðgang að um einu prósenti allra tísta.

Á þessu verður nú breyting til batnaðar fyrir vísindamenn sem gefst nú tækifæri á að rannsaka flóknari og enn sérhæfðari viðfangsefni og leiddar eru líkur að því enn fleiri rannsakendur muni nú færa sér vefinn í nyt.

Þessa ákvörðun forráðamanna Twitter vekur þó upp áhugverðar vísindasiðfræðilegar spurningar, sérstaklega í ljósi þess að fæstir tístendur gera ráð fyrir því að skoðanir þeirra í 140 stafbilum séu hagnýttar í rannsóknarskyni.

Til þess að svara þessum spurningum hafa vísindamenn frá Virgina Tech háskólanum lagt fram leiðarvísi í tístrannsóknum. Þar er meðal annars kveðið á um að tístendur séu aldrei nafngreindir og að allar rannsóknir séu gerðar opinberar.

Notendur Twitter tísta um fimm hundruð milljón sinnum daglega og því ljóst að vísindamennirnir hafa úr miklum upplýsingum að moða.