Alex á leiðinni til AC Milan

Brasilíski varnarmaðurinn Alex er kominn til Mílanó þar sem talið er að hann muni skrifa undir tveggja ára samning hjá AC Milan.

PSG er við það að ganga á kaupunum á David Luiz, landa Alex frá Chelsea á 50 milljónir punda og mun hann taka stöðu Alex við hlið Thiago Silva í miðverðinum.

Hinn 31 árs Alex gekk til liðs við PSG frá Chelsea árið 2012 og spilaði alls 70 leiki í búningi Parísarliðsins. Talið er að hann fái að fara á frjálsri sölu frá PSG og að hann muni skrifa undir tveggja ára samning.

Alex er mættur til Mílanó þar sem hann gengst undir læknisskoðun áður en samið verður um kaup og kjör.