Líklegt að Martinez missi af næsta tímabili

Óttast er að Javi Martinez, leikmaður Bayern München, verður frá keppni í allt að sjö mánuði vegna meiðsla sem hann varð fyrir í leik Bayern og Borussia Dortmund um þýska Ofurbikarinn í gær.

Martinez fór út af eftir um hálftíma leik í gær eftir að hafa lent í samstuði við Marcel Schmelzer, leikmann Dortmund. Meiðslin voru strax talin alvarleg og nú hefur verið staðfest að Spánverjinn er með slitið krossband.

Martinez mun gangast undir aðgerð hjá Dr. Richard Steadman í Bandaríkjunum á næstunni.

Spánverjinn lék 18 deildarleiki með Bayern á síðustu leiktíð, en hann kom til liðsins 2012 frá Athletic Bilbao.