Arla segir upp 79 vegna viðskiptabanns Rússa

Norræni mjólkurvörurisinn Arla hefur sagt 79 manns upp störfum í Danmörku vegna ákvörðunar Rússlandsstjórnar að banna innflutning á matvælum frá aðildarríkjum Evrópusambandsins.

Í frétt Jyllands-Posten segir að stöðurnar sem um ræði séu í fimm mjólkurbúum, í Troldhede, Vium, Høgelund, Bislev og Holstebro, en Arla hefur flutt talsvert inn af osti og smjöri til Rússlands.

Dmitri Medvedev, forsætisráðherra Rússlands, tilkynnti í síðustu viku að innflutningur á ávöxtum, grænmeti, fiski, kjöti og mjólkurvörum frá Bandaríkjunum, aðildarríkjum ESB, Ástralíu, Kanada og Noregi hafi verið bannaður. Var þetta svar við viðskiptaþvingunum Vesturlanda á hendur Rússum vegna deilunnar í Úkraínu.