Byrjunarliðin í Laugardalnum | Jón Daði byrjar

Heimir Hallgrímsson, landsliðsþjálfari Íslands, tilkynnti rétt í þessu byrjunarlið Íslands í leik liðsins gegn Tyrklandi sem hefst klukkan 18:45 á Laugardalsvelli.

Það sem kemur helst á óvart er að Jón Daði Böðvarsson, leikmaður Viking, er í byrjunarliði íslenska liðsins með Kolbeini Sigþórssyni í framlínunni.

Þá er Theodór Elmar Bjarnason, leikmaður Randers, í hægri bakvarðastöðunni en Birkir Már Sævarsson sem var í bakvarðastöðunni í síðustu undankeppni hefur lítið leikið undanfarna mánuði.

Byrjunarlið Íslands (4-4-2)

Markvörður - Hannes Þór Halldórsson

Hægribakvörður - Theodór Elmar Bjarnason

Miðverðir - Ragnar Sigurðsson og Kári Árnason

Vinstri bakvörður - Ari Freyr Skúlason

Hægri kantmaður - Birkir Bjarnason

Miðjumenn - Gylfi Þór Sigurðsson og Aron Einar Gunnarsson, fyrirliði liðsins

Vinstri kantmaður - Emil Hallfreðsson

Sóknarmenn - Jón Daði Böðvarsson og Kolbeinn Sigþórsson

Byrjunarlið Tyrklands

Markvörður: Onur Kıvrak.

Vörn: Ömer Toprak, Mehmet Topal, Ersan Gülüm.

Miðja: Gökhan Gönül, Selçuk İnan, Emre Belözoğlu, Caner Erkin.

Sókn: Olcan Adın, Burak Yılmaz, Arda Turan.