Brons-stúlkurnar á flugi í Höllinni | Myndir

Íslenska stúlknalandsliðinu í hópfimleikum tókst ekki að verja Evrópumeistaratitil sinn á EM 2014 sem fram fer í sérútbúnu fimleikahöllinni í Laugardalnum, en úrslitakeppni unglinga fór fram í kvöld.

Okkar stúlkur stóðu sig með miklum sóma og fengu bronsverðlaun, en Danir hefndu fyrir síðasta mót og hirtu gullið. Íslensku stúlkurnar urðu einmitt Evrópumeistarar í Árósum fyrir tveimur árum síðan.

Valgarður Gíslason, ljósmyndari Fréttablaðsins og Vísis, var í Laugardalnum í kvöld og náði þessum glæsilegu myndum af þessum flottu stúlkum sem sjá má í myndasyrpunni hér að neðan.