7 skref til að koma af stað byltingu Valgerður Árnadóttir skrifar 31. október 2014 10:02 Nú er október senn á enda og það hefur ekkert heyrst eða spurst til ráðherra í ríkisstjórn og enginn sem tók meistaraáskorun minni svo ég viti til („Meistaraáskorun til ríkisstjórnarinnar” birt á Vísi 1. okt. 2014). Við ykkur sem komust í gegnum mánuðinn á lág-og millitekjum vil ég segja „Til hamingju, þið eruð sannir meistarar og þið eigið sannarlega hrós skilið!“, megi næsti mánuður verða ykkur minni áskorun. Næsta áskorun til ríkistjórnarinnar er létt, hún er í raun komin langleiðina með hana. Þetta eru 7 skref til að koma af stað byltingu: 1. Koma sér í stjórn með því að lofa fólki að greiða því tilbaka hluta af þeim fjármunum sem það missti við hrun. Segja nógu oft að fjármuni sé að finna í „hrægammasjóðum föllnu bankanna“, því stöðug endurtekning verður til þess að fólk trúir. Draga málið svo eins lengi og hægt er, svara engu beint þegar í ljós kemur að sjóðir föllnu bankanna munu ekki greiða þetta og viðurkenna aldrei mistök og svikin loforð. Reyna að safna saman aurum hér og þar, m.a með því að hækka skatta á nauðsynjavöru, svo á endanum er fólkið í raun að greiða fyrir eigin endurgreiðslu (en það fattar það auðvitað ekkert). 2. Setja þá stefnu að ná hallalausum fjárlögum hvað sem það kostar. Þó það kosti okkur heilbirgðiskerfið og landflótti lækna og hjúkrunarfræðinga verði svo mikill vegna lágra launa og erfiðra vinnuskilyrða að spítalar eru komnir í þrot og þeir læknar sem eftir eru komnir í verkfall. Hallalaus fjárlög hljóta að vera mikilvægari en mannslíf. (Læknarnir koma hvort eð er aftur þegar spítalar verða einkareknir). 3. Verja 120 milljörðum í áburðaverksmiðju á sama tíma og það er ekki til fé til að halda uppi heilbrigðiskerfi eða byggja spítala sem stenst heilbrigðismat (t.d. laus við sveppi og myglu). Áburðaverksmiðja skapar 100-200 störf. Það er næstum milljarður til að skapa hvert starf, en samkvæmt mínum útreikningum þá geta 120 milljarðar greitt ævitekjur 200 lækna eða 400 hjúkrunarfræðinga (miðað við að þeir starfi 12 mánuði ársins í 50 ár á sómasamlegum launum). 4. Hækka skatta á nauðsynjavöru og lækka skatta á lúxusvöru. Afnema auðlegðarskatt og veiðigjöld og hafa með því fjármuni af tekjulágu fólki á sama tíma og nýútkomin skýrsla Unicef segir að hér hafi barnafátækt aukist um þriðjung, árið 2008 (11,2%) til 2012 (31,6%) ef miðað er við lágtekjumörk. Ísland er þannig í neðsta sæti af ríkjunum 41 sem voru með í könnuninni, næst á eftir Grikklandi. Bjarni Ben segir líka að fólkið í landinu noti 17% af tekjum sínum í matarinnkaup burtséð frá því hvort þau eru með 200 þúsund eða milljón útborgaðar, það meikar sens! 5. Þegar tvö stærstu fyrirtæki landsins, Eimskip og Samskip, eru sökuð um að hafa háð ólöglegt verðsamráð, þá þarf að komast að því hver innan samkeppniseftirlitsins lak þeim trúnaðarpplýsingum. Það finnst Sigmundi Davíð forsætis-og dómsmálaráðherra vera aðalmálið í verðsamráðinu, en ekki það að fyrirtækin frömdu hugsanlega glæp. 6. Þegar kemur í ljós að lögreglan og landhelgisgæslan hafa 250-310 vélbyssur og skammbyssur undir höndum er best fyrir ríkisstjórn að láta eins og enginn kannist við það. Hvorki að hafa heimilað kaup á byssum eða greitt fyrir þær og segja svo að byssurnar séu gjöf frá norska hernum (sem norski herinn þvertekur fyrir). Aðalmálið hlýtur að vera hvort fjármunum var varið í þessar byssur en ekki sú staðreynd að Ísland hefur sérstöðu sem herlaust land og er mælt sem það öruggasta til búsetu í öllum heiminum þrátt fyrir svo gott sem vopnlausa lögreglu hingað til. 7. Fá Geir Jón fyrrverandi lögreglustjóra til að gera skýrslu um búsáhaldabyltinguna og saka þingmenn í stjórnarandstöðu um að hafa stýrt byltingunni. Það mun vera síðasta útspilið til að reyna að sannfæra fólk um að þetta hafi verið eitt allsherjar plott stjórnarandstöðuflokkanna sem voru svo gráðugir í völd. Margur telur mig sig. Til hamingju ríkisstjórn! Ykkur hefur tekist að ganga svo fram af fólkinu í landinu að það mun hefja nýja byltingu. Það er ekki nóg með að þið séuð enn ósáttir við að hafa verið reknir fyrir 5 árum, þið viljið líka trúa því og reyna að sannfæra fólk um að það var ekki þeirra sjálfstæði vilji sem rak það til að taka þátt í búsáhaldabyltingu. Að það hafi ekki verið bylting okkar fólksins sem var búið að fá okkur fullsödd af spilltum stjórnarháttum sem komu okkur á hausinn. Ég er ekki hissa að þið séuð að vígbúast og skrá niður nöfn mótmælenda vegna þess að með þessu áframhaldi mun verða bylting og hún mun verða stærri en búsáhaldabyltingin var nokkurn tíma. Skráið nafn mitt, ég mun taka þátt í byltingunni. Viltu birta grein á Vísi? Sendu okkur póst. Senda grein Valgerður Árnadóttir Mest lesið Svargrein: Ísland á víst að íhuga aðild að ESB Ágúst Ólafur Ágústsson Skoðun „Er allt í lagi?“ Olga Björt Þórðardóttir Skoðun Úr skotgröfum í netkerfin: Netárásir á innviði Vesturlanda Ýmir Vigfússon Skoðun Köstum ekki verðmætum á glæ Ingvar Jónsson Skoðun Sumarfríinu aflýst Sigurður Helgi Pálmason Skoðun Einmanaleiki: Skortir þig tengsl við þig eða aðra? Sigrún Þóra Sveinsdóttir Skoðun Verkafólk kaupir aðgang að íslenskum auðlindum af Norðmönnum Arndís Kristjánsdóttir Skoðun Fordómar gagnvart hinsegin fólki – Reynslusaga Geir Gunnar Markússon Skoðun Ákall til íslenskra stjórnmálamanna Magnús Árni Skjöld Magnússon Skoðun Um mýkt, menntun og von Sigurður Árni Reynisson Skoðun Skoðun Skoðun Þegar fjölbreytileikinn verður ógn: Afneitun, andstaða og ótti við hið mannlega Haukur Logi Jóhannsson skrifar Skoðun Einmanaleiki: Skortir þig tengsl við þig eða aðra? Sigrún Þóra Sveinsdóttir skrifar Skoðun Svargrein: Ísland á víst að íhuga aðild að ESB Ágúst Ólafur Ágústsson skrifar Skoðun Fjölbreytni í endurhæfingu skiptir máli Hólmfríður Einarsdóttir skrifar Skoðun Sumarfríinu aflýst Sigurður Helgi Pálmason skrifar Skoðun Úr skotgröfum í netkerfin: Netárásir á innviði Vesturlanda Ýmir Vigfússon skrifar Skoðun Fordómar gagnvart hinsegin fólki – Reynslusaga Geir Gunnar Markússon skrifar Skoðun „Er allt í lagi?“ Olga Björt Þórðardóttir skrifar Skoðun Göngum í Haag hópinn Þórhildur Sunna Ævarsdóttir skrifar Skoðun Kirkjuklukkur hringja Bjarni Karlsson skrifar Skoðun Gerir háskólanám þig að grunnskólakennara? Davíð Már Sigurðsson skrifar Skoðun Stríð skapar ekki frið Sanna Magdalena Mörtudóttir skrifar Skoðun Íslenska stóðhryssan og Evrópa Hallgerður Ljósynja Hauksdóttir skrifar Skoðun Hvammsvirkjun – Skyldur ráðherra og réttur samfélagsins Eggert Valur Guðmundsson skrifar Skoðun Norska leiðin er fasismi Jón Frímann Jónsson skrifar Skoðun Um mýkt, menntun og von Sigurður Árni Reynisson skrifar Skoðun Höfum alla burði til þess Hjörtur J. Guðmundsson skrifar Skoðun Tímabær rannsókn dómsmálaráðuneytisins Sigmundur Davíð Gunnlaugsson skrifar Skoðun Umsókn krefst ákvörðunar – ekki ákalls Erna Bjarnadóttir skrifar Skoðun Hjálp, barnið mitt spilar Roblox! Kristín Magnúsdóttir skrifar Skoðun Líkindi með guðstrú og djöflatrú Gunnar Björgvinsson skrifar Skoðun Ævinlega þakkláti flóttamaðurinn Zeljka Kristín Klobucar skrifar Skoðun Vér vesalingar Ingólfur Sverrisson skrifar Skoðun Leikrit Landsvirkjunar Snæbjörn Guðmundsson skrifar Skoðun Við þurfum ekki að loka landinu – við þurfum að opna augun Þorbjörg Sigríður Gunnlaugsdóttir skrifar Skoðun Svona eða hinsegin, hvert okkar verður næst? Unnar Geir Unnarsson skrifar Skoðun Reynisfjara og mannréttindasáttmáli Evrópu Róbert R. Spanó skrifar Skoðun Að hlúa að foreldrum: Forvörn sem skiptir máli Áróra Huld Bjarnadóttir skrifar Skoðun Ákall til íslenskra stjórnmálamanna Magnús Árni Skjöld Magnússon skrifar Skoðun Þurfum við virkilega „leyniþjónustu”? Helen Ólafsdóttir skrifar Sjá meira
Nú er október senn á enda og það hefur ekkert heyrst eða spurst til ráðherra í ríkisstjórn og enginn sem tók meistaraáskorun minni svo ég viti til („Meistaraáskorun til ríkisstjórnarinnar” birt á Vísi 1. okt. 2014). Við ykkur sem komust í gegnum mánuðinn á lág-og millitekjum vil ég segja „Til hamingju, þið eruð sannir meistarar og þið eigið sannarlega hrós skilið!“, megi næsti mánuður verða ykkur minni áskorun. Næsta áskorun til ríkistjórnarinnar er létt, hún er í raun komin langleiðina með hana. Þetta eru 7 skref til að koma af stað byltingu: 1. Koma sér í stjórn með því að lofa fólki að greiða því tilbaka hluta af þeim fjármunum sem það missti við hrun. Segja nógu oft að fjármuni sé að finna í „hrægammasjóðum föllnu bankanna“, því stöðug endurtekning verður til þess að fólk trúir. Draga málið svo eins lengi og hægt er, svara engu beint þegar í ljós kemur að sjóðir föllnu bankanna munu ekki greiða þetta og viðurkenna aldrei mistök og svikin loforð. Reyna að safna saman aurum hér og þar, m.a með því að hækka skatta á nauðsynjavöru, svo á endanum er fólkið í raun að greiða fyrir eigin endurgreiðslu (en það fattar það auðvitað ekkert). 2. Setja þá stefnu að ná hallalausum fjárlögum hvað sem það kostar. Þó það kosti okkur heilbirgðiskerfið og landflótti lækna og hjúkrunarfræðinga verði svo mikill vegna lágra launa og erfiðra vinnuskilyrða að spítalar eru komnir í þrot og þeir læknar sem eftir eru komnir í verkfall. Hallalaus fjárlög hljóta að vera mikilvægari en mannslíf. (Læknarnir koma hvort eð er aftur þegar spítalar verða einkareknir). 3. Verja 120 milljörðum í áburðaverksmiðju á sama tíma og það er ekki til fé til að halda uppi heilbrigðiskerfi eða byggja spítala sem stenst heilbrigðismat (t.d. laus við sveppi og myglu). Áburðaverksmiðja skapar 100-200 störf. Það er næstum milljarður til að skapa hvert starf, en samkvæmt mínum útreikningum þá geta 120 milljarðar greitt ævitekjur 200 lækna eða 400 hjúkrunarfræðinga (miðað við að þeir starfi 12 mánuði ársins í 50 ár á sómasamlegum launum). 4. Hækka skatta á nauðsynjavöru og lækka skatta á lúxusvöru. Afnema auðlegðarskatt og veiðigjöld og hafa með því fjármuni af tekjulágu fólki á sama tíma og nýútkomin skýrsla Unicef segir að hér hafi barnafátækt aukist um þriðjung, árið 2008 (11,2%) til 2012 (31,6%) ef miðað er við lágtekjumörk. Ísland er þannig í neðsta sæti af ríkjunum 41 sem voru með í könnuninni, næst á eftir Grikklandi. Bjarni Ben segir líka að fólkið í landinu noti 17% af tekjum sínum í matarinnkaup burtséð frá því hvort þau eru með 200 þúsund eða milljón útborgaðar, það meikar sens! 5. Þegar tvö stærstu fyrirtæki landsins, Eimskip og Samskip, eru sökuð um að hafa háð ólöglegt verðsamráð, þá þarf að komast að því hver innan samkeppniseftirlitsins lak þeim trúnaðarpplýsingum. Það finnst Sigmundi Davíð forsætis-og dómsmálaráðherra vera aðalmálið í verðsamráðinu, en ekki það að fyrirtækin frömdu hugsanlega glæp. 6. Þegar kemur í ljós að lögreglan og landhelgisgæslan hafa 250-310 vélbyssur og skammbyssur undir höndum er best fyrir ríkisstjórn að láta eins og enginn kannist við það. Hvorki að hafa heimilað kaup á byssum eða greitt fyrir þær og segja svo að byssurnar séu gjöf frá norska hernum (sem norski herinn þvertekur fyrir). Aðalmálið hlýtur að vera hvort fjármunum var varið í þessar byssur en ekki sú staðreynd að Ísland hefur sérstöðu sem herlaust land og er mælt sem það öruggasta til búsetu í öllum heiminum þrátt fyrir svo gott sem vopnlausa lögreglu hingað til. 7. Fá Geir Jón fyrrverandi lögreglustjóra til að gera skýrslu um búsáhaldabyltinguna og saka þingmenn í stjórnarandstöðu um að hafa stýrt byltingunni. Það mun vera síðasta útspilið til að reyna að sannfæra fólk um að þetta hafi verið eitt allsherjar plott stjórnarandstöðuflokkanna sem voru svo gráðugir í völd. Margur telur mig sig. Til hamingju ríkisstjórn! Ykkur hefur tekist að ganga svo fram af fólkinu í landinu að það mun hefja nýja byltingu. Það er ekki nóg með að þið séuð enn ósáttir við að hafa verið reknir fyrir 5 árum, þið viljið líka trúa því og reyna að sannfæra fólk um að það var ekki þeirra sjálfstæði vilji sem rak það til að taka þátt í búsáhaldabyltingu. Að það hafi ekki verið bylting okkar fólksins sem var búið að fá okkur fullsödd af spilltum stjórnarháttum sem komu okkur á hausinn. Ég er ekki hissa að þið séuð að vígbúast og skrá niður nöfn mótmælenda vegna þess að með þessu áframhaldi mun verða bylting og hún mun verða stærri en búsáhaldabyltingin var nokkurn tíma. Skráið nafn mitt, ég mun taka þátt í byltingunni.
Skoðun Þegar fjölbreytileikinn verður ógn: Afneitun, andstaða og ótti við hið mannlega Haukur Logi Jóhannsson skrifar
Skoðun Við þurfum ekki að loka landinu – við þurfum að opna augun Þorbjörg Sigríður Gunnlaugsdóttir skrifar