Fótbolti

Rútuferðin heim skemmtilegri ef við vinnum

Eiríkur Stefán Ásgeirsson í Plzen skrifar
Frá vinstri eru Anja Rún Egilsdóttir, Elvar Hansson, Sandra Árnadóttir, Tómas Hrafn Ágústsson og Hjalti Már Ólafsson, einnig þekktur sem Hjallini. Þau fengu sér að sjálfsögðu Pilsner Urquell á torginu í miðbæ Plzen.
Frá vinstri eru Anja Rún Egilsdóttir, Elvar Hansson, Sandra Árnadóttir, Tómas Hrafn Ágústsson og Hjalti Már Ólafsson, einnig þekktur sem Hjallini. Þau fengu sér að sjálfsögðu Pilsner Urquell á torginu í miðbæ Plzen. Vísir/Daníel
Stuðningsmenn íslenska landsliðsins, sem verða rúmlega 700 talsins á leiknum gegn Tékklandi í Plzen í kvöld, eru komnir til borgarinnar og byrjaðir að setja sinn svip á miðbæinn.

Fólk kemur víða að en Vísir hitti á hóp íslenskra læknanema sem búa í Slóvakíu. „Við komum í gær öll saman í rútu. Það tók um sjö tíma,“ sagði Elvar Hansson, einn nemanna, við Vísi.

„Þetta var hörkufjör. Við erum öll á sama hótelinu og kíktum aðeins út í gær. Svo í morgun tókum við ferð um Pilsner Urquell-verksmiðjuna.“

Hann á von á hörkuleik á Doosan-leikvanginum í kvöld og reiknar að sjálfsögðu með íslenskum sigri. Hann er þó ekki búinn að læra alla söngva Tólfunnar.

„Við syngum bara með og tröllum. Þetta verður gaman. Svo förum við strax um borð í rútuna eftir leik en hún verður auðvitað mun skemmtilegri ef við vinnum.“

EM 2016 í Frakklandi

Tengdar fréttir

Tólfan til Tékklands: Stuð og stemning í Tólfunni

Félagarnir Davíð Óskar Ólafsson og Þorsteinn Magnússon tilheyra fríðum og háværum hópi grjótharðra stuðningsmanna karlalandsliðsins í knattspyrnu. Sjáðu myndir og myndbönd.

Þessir söngvar verða sungnir í stúkunni í Plzen

Ísland og Tékkland mætast í toppslag riðilsins í undankeppni EM á sunnudaginn kemur og það verður nóg af íslenskum stuðningsmönnum í stúkunni enda seldust upp 600 miðar sem KSÍ fékk á leikinn.

Mest lesið


Fleiri fréttir

Sjá meira


×

Mest lesið