Kvenréttindafélag Íslands skorar á Sigmund Davíð Gunnlaugsson og Bjarna Benediktsson, formenn stjórnarflokkanna, að rétta við kynjahlutfallið í ríkisstjórn Íslands.
Í ályktun frá félaginu segir að hallað hafi á konur í ríkisstjórninni áður en Hanna Birna Kristjánsdóttir sagði af sér í dag en þá voru 6 karlar og 3 konur í ríkisstjórninni. Nú eru því tvær konur í ríkisstjórninni, Eygló Harðardóttir, félagsmálaráðherra, og Ragnheiður Elín Árnadóttir, iðnaðar-og viðskiptaráðherra.
Vegna þessa „skorar stjórn Kvenréttindafélagsins á Bjarna Benediktsson, formann Sjálfstæðisflokksins, að hafa mikilvægi jafns hlutfall kynja að leiðarljósi þegar ákvörðun verður tekin um skipan ráðherra.“
Samkvæmt heimildum fréttastofu eru Einar K. Guðfinnsson og Ragnheiður Ríkharðsdóttir talin líklegust sem arftakar Hönnu Birnu í embætti innanríkisráðherra.
Skora á Bjarna Ben að hafa kynjahlutfall í huga við skipun nýs ráðherra
Tengdar fréttir
Einar og Ragnheiður líklegustu arftakar Hönnu Birnu
Samkvæmt heimildum fréttastofu eru umræður um mögulegan arftaka Hönnu Birnu þegar hafnar innan Sjálfstæðisflokksins.
Hanna Birna hættir
Hanna Birna Kristjánsdóttir sagði af sér sem innanríkisráðherra í dag.
Bjarni Benediktsson: Hanna Birna verður lykilþingmaður
Formaður Sjálfstæðisflokksins segir að Hanna Birna hafi notið fulls traust til að starfa áfram sem ráðherra.
