Búið að loka Hellisheiði og Þrengslum og slæmar aðstæður á Reykjanesbraut

Hellisheiðinni og Þrengslum hefur verið lokað og er þar ekkert ferðaveður. Einnig er lokað undir Hafnarfjalli.

Lögreglan á Suðurnesjum varar við miklu hvassvirði og mjög slæmu skyggni á Reykjanesbraut og Suðurnesjum og er fólk hvatt til að aka mjög varlega og vera ekki á ferðinni af nauðsynjalausu.

Þar er nú allt niður í tveggja metra skyggni og gengur umferðin mjög hægt, að sögn lögreglu og eru björgunarsveitir í viðbragðsstöðu á Suðurnesjum.

Annars er hálka á vegum um allt land, stórhríð í Norðurárdal og óveður á sunnanverðu Snæfellsnesi. Enn snjóar á Vestfjörðum en annars er Vegagerðin að kanna aðstæður um allt land.