Vilja efla vitund um vistvæna hönnun Gunnþóra Gunnarsdóttir skrifar 20. mars 2014 10:00 Róshildur "Ég hef ekki fundið neinn í heiminum sem vinnur með beinin á sama hátt og ég, sem betur fer,“ segir hún. Fréttablaðið/Pjetur Róshildur segir ekki aðeins um leikföng að ræða úr fiskbeinunum heldur höfði efnið til fólks á öllum aldri.Fréttablaðið/Pjetur „Hugmyndin með sýningunni Shop Show er sú að efla vitund um vistvæna hönnun fyrir framtíðina. Þar eru valdar vörur úr efniviði sem gjarnan er að finna í heimahögum hönnuðanna,“ segir Róshildur Jónsdóttir. Hún er einn þeirra norrænu hönnuða sem eiga muni á sýningunni Shop Show sem opnuð verður á efri hæð Hafnarborgar í Hafnarfirði á laugardaginn. Sýningin á líka að opna augun fyrir ábyrgð neytenda þegar þeir velja vörur, að sögn Róshildar. „Ef allir hefðu sömu neysluvenjur og Íslendingar núna þyrftum við sjö hnetti. Við Vesturlandabúar munum ekki geta haldið svona áfram,“ segir hún ákveðin. Róshildur er þekkt fyrir hönnun og vöruþróun leikfanga og skrautmuna úr fiskibeinum. „Ég nota fiskhausa sem ekki eru nýttir hér á landi í dag nema í mjöl og ég er að margfalda virði þeirra,“ bendir hún á. Hún segir ótrúlega stutt síðan við virtum skepnuna mun meira en nú. Bara 50-100 ár. „Beinin voru leikföng og smíðaefni, dýrmætur efniviður af því við áttum ekki mikið, en nú eru öll bein grafin í jörð í þúsunda tonna vís. Við misstum tengingu við þetta efni í nærumhverfinu með tilkomu fjöldaframleiðslu úr plasti,“ segir hún. Minnist líka á offramleiðslu heimsins á fatnaði með ódýru vinnuafli við stórvarasamar aðstæður. „Við erum komin út á ystu nöf og verðum að fara að breyta hugsunarhættinum,“ segir Róshildur sem er með vefsíðuna hugdetta.com þar sem hún kynnir vörur sínar og heimssýn.Vörurnar á Shop Show eru gerðar úr vistvænum efniviði og gjarnan úr heimahögum hönnuðanna.Mynd/Helga SteppanÁsamt Róshildi sýnir hönnunarteymið Vík Prjónsdóttir á Shop Show. Það hannar vörur úr íslenskri ull sem notið hafa mikilla vinsælda. Sýningin er unnin af Form Design Center í Malmö og ferðast um Norðurlöndin. Í Hafnarborg er henni fylgt úr hlaði með veglegri dagskrá þar sem viðfangsefni hennar eru krufin, meðal annars með samtölum við hönnuðina Petru Lilju, Brynhildi Pálsdóttur og Róshildi. Bæði Shop Show og Hnallþóra í sólinni eru hluti af HönnunarMars 2014, enda liggur líka áhugaverð hönnun eftir listamanninn svissneska Dieter Roth. HönnunarMars Menning Mest lesið „Það er alveg hægt að vinna rifrildið en þá tapar sambandið“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Best skipulagða geymsla landsins í glæsihúsi við Laugardalinn Lífið Mistök að eyða ekki meiri tíma með börnunum Lífið Púsluðu sig inn í undanúrslit þrátt fyrir hremmingar Lífið Kvaddi dramað og flutti fyrir ástina Lífið Fagnaði 35 árum í sólinni Lífið „Allir vonuðu að þetta yrði stelpa“ Lífið Fleiri fréttir Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Róshildur segir ekki aðeins um leikföng að ræða úr fiskbeinunum heldur höfði efnið til fólks á öllum aldri.Fréttablaðið/Pjetur „Hugmyndin með sýningunni Shop Show er sú að efla vitund um vistvæna hönnun fyrir framtíðina. Þar eru valdar vörur úr efniviði sem gjarnan er að finna í heimahögum hönnuðanna,“ segir Róshildur Jónsdóttir. Hún er einn þeirra norrænu hönnuða sem eiga muni á sýningunni Shop Show sem opnuð verður á efri hæð Hafnarborgar í Hafnarfirði á laugardaginn. Sýningin á líka að opna augun fyrir ábyrgð neytenda þegar þeir velja vörur, að sögn Róshildar. „Ef allir hefðu sömu neysluvenjur og Íslendingar núna þyrftum við sjö hnetti. Við Vesturlandabúar munum ekki geta haldið svona áfram,“ segir hún ákveðin. Róshildur er þekkt fyrir hönnun og vöruþróun leikfanga og skrautmuna úr fiskibeinum. „Ég nota fiskhausa sem ekki eru nýttir hér á landi í dag nema í mjöl og ég er að margfalda virði þeirra,“ bendir hún á. Hún segir ótrúlega stutt síðan við virtum skepnuna mun meira en nú. Bara 50-100 ár. „Beinin voru leikföng og smíðaefni, dýrmætur efniviður af því við áttum ekki mikið, en nú eru öll bein grafin í jörð í þúsunda tonna vís. Við misstum tengingu við þetta efni í nærumhverfinu með tilkomu fjöldaframleiðslu úr plasti,“ segir hún. Minnist líka á offramleiðslu heimsins á fatnaði með ódýru vinnuafli við stórvarasamar aðstæður. „Við erum komin út á ystu nöf og verðum að fara að breyta hugsunarhættinum,“ segir Róshildur sem er með vefsíðuna hugdetta.com þar sem hún kynnir vörur sínar og heimssýn.Vörurnar á Shop Show eru gerðar úr vistvænum efniviði og gjarnan úr heimahögum hönnuðanna.Mynd/Helga SteppanÁsamt Róshildi sýnir hönnunarteymið Vík Prjónsdóttir á Shop Show. Það hannar vörur úr íslenskri ull sem notið hafa mikilla vinsælda. Sýningin er unnin af Form Design Center í Malmö og ferðast um Norðurlöndin. Í Hafnarborg er henni fylgt úr hlaði með veglegri dagskrá þar sem viðfangsefni hennar eru krufin, meðal annars með samtölum við hönnuðina Petru Lilju, Brynhildi Pálsdóttur og Róshildi. Bæði Shop Show og Hnallþóra í sólinni eru hluti af HönnunarMars 2014, enda liggur líka áhugaverð hönnun eftir listamanninn svissneska Dieter Roth.
HönnunarMars Menning Mest lesið „Það er alveg hægt að vinna rifrildið en þá tapar sambandið“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Best skipulagða geymsla landsins í glæsihúsi við Laugardalinn Lífið Mistök að eyða ekki meiri tíma með börnunum Lífið Púsluðu sig inn í undanúrslit þrátt fyrir hremmingar Lífið Kvaddi dramað og flutti fyrir ástina Lífið Fagnaði 35 árum í sólinni Lífið „Allir vonuðu að þetta yrði stelpa“ Lífið Fleiri fréttir Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira