Alvarleg öryggisveila plástruð

Microsoft hefur gefið út uppfærslu fyrir netvafrann Internet Explorer sem lokar öryggisveilu sem tölvuþrjótar gátu nýtt til að ná fullri stjórn á tölvum.

Einnig var gefin út uppfærsla fyrir notendur Windows XP stýrikerfisins, þrátt fyrir að hugbúnaðarrisinn hafi í síðasta mánuði hætt stuðningi við stýrikerfið.

Microsoft segir vitað um afmarkaðar árásir þar sem gloppan var nýtt, en öryggisveilan hafi náð til útgáfa vafrans frá 6 til 11. Notendur sem kveikt hafa á sjálfvirkum uppfærslum þurfa ekki að grípa til neinna aðgerða.