Jafnt í slagnum um Rómarborg | Totti með tvö

Roma og Lazio skildu jöfn 2-2 í baráttunni um Rómarborg í ítölsku A-deildinni í fótbolta í dag þegar sex leikir voru á dagskrá deildarinnar.

Roma mistókst þar með að tyllla sér á topp deildarinnar, þó ekki nema tímabundið, því topplið Juventus leikur seinna í kvöld en bæði lið eru með 40 stig en Juventus með betri markatölu.

Francesco Totti skoraði bæði mörk Roma sem lenti 2-0 undir í fyrri hálfleik. Leikurinn var heimaleikur Roma.

Lazio er í þriðja sæti deildarinnar, níu stigum á eftir Roma.

Emil Hallfreðsson tók út leikbann þegar Hellas Verona lagði Parma 3-1.

Úrslit dagins:

Atalanta – Chievo 1-1

Cagliari – Cesena 2-1

Fiorentina – Palermo 4-3

Hellas Veroa – Parma 3-1

Roma – Lazio 2-2

Sampdoria – Empoli 1-0