Við vorum eins og kjúklingar inn á vellinum

Roberto Mancini, þjálfari Inter, var brjálaður út í leikmenn sína í gær.

Þá tapaði Inter, 1-0, fyrir Napoli í átta liða úrslitum ítölsku bikarkeppninnar. Gonzalo Higuain skoraði eina markið í uppbótartíma.

Þetta var þriðja tap Inter í röð.

„Það er ekki hægt að gefa svona mark. Ég er í losti yfir þessu. Við erum að spila vel og liðið að vaxa en við höfum ekki efni á að gera svona mörg mistök. Við erum alltaf að gefa mörk," sagði Mancini brjálaður.

„Við vorum eins og kjúklingar inn á vellinum. Það voru fimm varnarmenn gegn Higuain en hann skorar samt. Það er fáranlegt að fá svona mark á sig."