Lewandowski tryggði Bayern sigur gegn sínum gömlu félögum

Bayern München vann 0-1 sigur á Borussia Dortmund í stórleik dagsins í þýsku úrvalsdeildinni í fótbolta.

Robert Lewandowski skoraði eina mark leiksins á 36. mínútu, gegn sínum gömlu félögum, en hann kom á frjálsri sölu til Bayern frá Dortmund síðasta sumar.

Með sigrinum endurheimti Bayern 10 stiga forystu á toppi deildarinnar en liðið er á góðri leið með vinna sinn þriðja Þýskalandsmeistaratitil í röð.

Dortmund er áfram í 10. sæti með 33 stig.

Úrslit dagsins:

Dortmund 0-1 Bayern München

Wolfsburg 3-1 Stuttgart

Leverkusen 4-0 Hamburger

Freiburg 1-0 Köln

Frankfurt 2-2 Hanover 96

Werder Bremen 0-0 Mainz 05

Hoffenheim 1-3 Mönchengladbach