Tugir flóttamanna fórust þegar gúmmíbátur sökk í Miðjarðarhafi

Atli Ísleifsson skrifar 16. apríl 2015 15:06

Um tíu þúsund flóttamönnum hefur verið bjargað af illa búnum og ofhlöðnum bátum í Miðjarðarhafi á árinu. Vísir/AFP

Rúmlega fjörutíu flóttamenn drukknuðu eftir að gúmmíbátur sökk undan ströndum Sikileyjar í Miðjarðarhafi í dag. Fjórir komust lífs af.

Í frétt BBC kemur fram að um tíu þúsund flóttamönnum hafi verið bjargað frá áramótum af illa búnum og ofhlöðnum bátum sem siglt hefur verið frá norðurströnd Afríku til Evrópu. Fleiri hundruð hafa drukknað.

Paolo Gentiloni, utanríkisráðherra Ítalíu, hefur biðlað til Evrópusambandsins um aukna aðstoð þannig að betur megi bregðast við auknum straumi flóttafólks sem reynir að komast til Evrópu.

Flóttamenn

Tengdar fréttir

Týr aðstoðaði við björgun flóttafólks

Menn á hraðbát skutu upp í loftið nærri skipinu sem áhöfn Týs var að aðstoða.

14. apríl 2015 16:45

Skipherrann á Tý: "Ein konan var komin alveg á steypirinn“

Týr er nú kominn til hafnar í Taranto á Ítalíu og voru 360 flóttamenn með í för sem áhöfnin bjargaði.

15. apríl 2015 13:30

SÞ hvetja til öflugri aðgerða

Um 400 flóttamenn drukknuðu í Miðjarðarhafinu þegar bát hvolfdi.

16. apríl 2015 07:00

Um 400 flóttamenn taldir af á Miðjarðarhafi

Báti hvolfdi við strendur Líbýu.

14. apríl 2015 22:43

Smyglarar skutu af byssum sínum í grennd við Tý á Miðjarðarhafi

Smyglarar sem sérhæfa sig í því að koma fólki yfir Miðjarðarhafið frá Líbíu og að Evrópuströndum skutu af byssum sínum og tóku bát í tog sem flóttafólki hafði skömmu áður verið bjargað úr. Týr, skip Landhelgisgæslunnar, var statt á svæðinu og hafði skömmu áður tekið þátt í björgun fólksins, að því er segir í tilkynningu frá Frontex, landamærastofnun Evrópu.

15. apríl 2015 07:05