Glæný stikla úr Jurassic World

Kvikmyndin Jurassic World verður frumsýnd í byrjun júní. Í dag kom út glæný stikla úr myndinni.

Myndinni verður leikstýrt af Colin Trveorrow og í helstu hlutverkum verða Chris Pratt, Judy Greer og Ty Simpkins.

Myndin er sú fjórða sem kemur út úr smiðju Steven Spielberg en upphaflega var stefnt að því að hún kæmi út árið 2005. Nú tíu árum síðar verður biðin loks á enda. 

Fjöldi stórmynda mun koma út á árinu og ljóst að margir aðdáendur eru nú þegar byrjaðir að iða í skinninu. Þar á meðal má nefna Terminator Genisys, Star Wars - The Force Awakens, Mad Max: Fury Road, The Avengers: Age of Ultron, Ant-Man og Fantastic Four.