Markalaust hjá Birki og félögum í fyrri umspilsleiknum

Pescara og Bologna gerðu í kvöld markalaust jafntefli í fyrri leik liðanna í um laust sæti í ítölsku úrvalsdeildinni í fótbolta á næsta tímabili.

Birkir Bjarnason lék allan leikinn með Pescara sem sló Perugia og Vicenza út á leið sinni í úrslitaleikina tvo um úrvalsdeildarsætið.

Seinni leikurinn fer fram á heimavelli Bologna á þriðjudaginn. Óvíst er hvort Birkir spili þann leik en íslenska landsliðið á mikilvægan leik fyrir höndum gegn Tékkum í undankeppni EM á föstudaginn.

Birkir hefur verið orðaður við Leeds United undanfarna daga en samningur landsliðsmannsins við Pescara rennur út í sumar.