Sjáðu son Tryggva Guðmundssonar skora sitt fyrsta mark fyrir KR

„Þetta er frábært. Það er ekki hægt að byrja betur,“ sagði Guðmundur Andri Tryggvason, 15 ára gamall leikmaður KR, í viðtali á Stöð 2 Sport í gær eftir að skora sitt fyrsta mark fyrir liðið.

Andri kom inn á sem varamaður gegn Keflavík í 32 liða úrslitum Borgunarbikarsins í gærkvöldi og skoraði glæsilegt skallamark. KR vann leikinn örugglega, 5-0.

Tölfræði KR á Twitter greindi frá því eftir að leikinn að Andri sé nú yngsti leikmaðurinn til að skora fyrir KR í bikarnum, aðeins 15 ára og 211 daga gamall.

15 - Í janúar sl. varð Guðmundur Andri yngsti markaskorari KR frá upphafi, 15 ára, 79 d. Nú yngsti marakaskorari KR í bikar, 15 ára,211 daga

— KR Tölfræði (@KRstats) June 3, 2015

„Þetta er fyrsti leikurinn sem ég spila og það er frábært að byrja með marki,“ sagði Andri, en hann var virkilega hugrakkur í markinu.

„Ég verð að fórna mér fyrir allt. Þetta var frábær bolti frá Aroni og ég sá glufu til að skora þannig ég stökk á boltann og skoraði,“ sagði Guðmundur Andri Tryggvason.

Guðmundur Andri hefur ekki langt að sækja hæfileikana í markaskorun, en faðir hans er Tryggvi Guðmundsson, markahæsti leikmaður efstu deildar frá upphafi.