Sjáðu fyrsta þáttinn um bardaga Rondu og Correia

Vinsælasta íþróttakona heims í dag, Ronda Rousey, er mætt til Brasilíu þar sem hún berst um næstu helgi.

Á laugardag mun hún mæta Bethe Correia í búrinu og bíður heimurinn spenntur eftir því hvað Ronda gerir að þessu sinni.

Síðustu tveir bardagar hennar hafa staðið yfir í samtals 36 sekúndur sem er auðvitað ótrúlegt.

Eins og venjan er fyrir stóra bardaga framleiðir UFC Embedded-þætti í kringum bardagann.

Fyrsti þátturinn er kominn en þar má sjá Rondu æfa og hitta fjölmiðla. Correia fer aftur á móti í klippingu.

Bardagi Rondu og Correia verður í beinni útsendingu á Stöð 2 Sport.