Ferrari: Tvær unnar keppnir sanna ekki snilli okkar

Ferrari er með báðar fætur á jörðinni fyrir seinni hluta tímabilsins, þrátt fyrir að hafa unnið tvær keppnir á tímabilinu.

Eftir frábæra keppni í Ungverjalandi fór Ferrari ásamt öðrum liðum í sumarfrí. Sebastian Vettel vann og er því einungis einni keppni á eftir Mercedes ökumanninum Nico Rosberg.

Yfirmaður almannatengsla hjá Ferrari, Alberto Antonini, hefur varað við að liðið haldi báðum fótum á jörðinni. Hann segir mikilvægt að liðið telji sér ekki trú um að tvær unnar keppnir sanni snilli þess.

„Við töldum okkur ekki vera að ganga í gegnum krísu eftir Silverstone keppnina og að við höfum risið úr öskunni núna,“ sagði Antonini.

„Við erum með báða fætur á jörðinni, við vitum að við erum að berjast við ógnar sterka mótherja, við munum þó gera okkar allra besta,“ bætti Antonini við.

Toto Wolff, yfirmaður kappakstursmála hjá Mercedes hefur á hinn bóginn varað sitt lið við komandi árás Ferrari.

Keppnirnar sem eftir eru verða því líklega afar spennandi.