Cole má yfirgefa Roma

Roma hefur tilkynnt enska bakverðinum, Ashley Cole, að hann megi yfirgefa félagið þrátt fyrir að hann eigi enn eftir ár af samningi sínum við félagið.

Þessi 34 ára gamli fyrrum landsliðsbakvörður Englands á eitt ár eftir af tveggja ára samningi sínum við ítalska liðið sem hann gerði við komuna frá Chelsea síðasta sumar.

Hnan spilaði einungis ellefu leiki á síðustu leiktíð og hefur ekki spilað mikið á undirbúningstímabilinu, en hann virðist ekki vera í náðum Rudi Garcia, stjóra Roma.

Cole var ekki í leikmannahóp Roma sem vann 6-4 sigur á Sevilla í æfingarleik á föstudag þar sem Edin Dzeko skoraði í tvígang, en hann gekk í raðir Roma frá Manchester City á láni á dögunum.