Bayern München hefur staðfest að Arjen Robben muni missa af landsleik Hollands og Tyrklands í Konya á sunnudaginn vegna nárameiðsla.
Robben haltraði út af á 31. mínútu þegar Holland tapaði 0-1 fyrir Íslandi í gær og kom ekki meira við sögu í leiknum.
Eftir leikinn sagði Danny Blind, landsliðsþjálfari Hollands, að það væri ólíklegt að Robben myndi spila leikinn mikilvæga gegn Tyrklandi á sunnudaginn.
Bayern München, sem Robben hefur spilað með síðan 2009, staðfesti það svo á heimasíðu sinni í dag að Robben yrði ekki með gegn Tyrkjum.
Blind hefur kallað Jermain Lens, leikmann Sunderland, inn í hollenska hópinn í stað Robbens sem er nýskipaður fyrirliði hollenska landsliðsins.
Lens hefur skorað í átta mörk í 30 landsleikjum en hann kom til Sunderland frá Dynamo Kiev í sumar.
Hollendingar eru með 10 stig í 3. sæti A-riðils undankeppni EM 2016.
Robben missir af leiknum gegn Tyrklandi
Tengdar fréttir
Robben ósáttur: Get ekki varið hann eftir þetta heimskulega spjald
Arjen Robben var afar ósáttur með Bruno Martins Indi eftir 0-1 tap Hollands gegn Íslandi í dag en varnarmaðurinn fékk beint rautt spjald fyrir að slá til Kolbeins Sigþórssonar.
Fullt hús stiga á móti einni bestu knattspyrnuþjóð heims
Gylfi Þór Sigurðsson tryggði Íslandi sögulegan 1-0 sigur á Hollandi á Amsterdam Arena í gærkvöldi. Íslendingar geta farið að bóka ferðina til Frakklands næsta sumar og þau sem sungu allan tímann í stúkunni í eru farin að dreyma um að upplifa svona stundir aftur.
Umfjöllun: Holland - Ísland 0-1 | Strákarnir okkar einu stigi frá EM
Gylfi Þór Sigurðsson skoraði sigurmarkið úr vítaspyrnu þegar Ísland vann Holland öðru sinni í undankeppni EM.
