Klopp kyssti konuna eftir hvert einasta mark | Myndband

Jürgen Klopp, fyrrum þjálfari Borussia Dortmund, er frjáls eins og fuglinn og getur því leyft sér að mæta á leiki með sínu gamla félagi.

Klopp vakti athygli fyrir innilegan fögnuð sinn þegar hann mætti á leik Mainz 05 og Hoffenheim í fimmtu umferð þýsku Bundesligunnar um síðustu.

Jürgen Klopp lék í ellefu ár með liði 1. FSV Mainz 05 og tók síðan við þjálfun liðsins eftir að hann lagði skóna á hilluna 2001.

Klopp þjálfaði síðan Mainz-liðið til ársins 2008 þegar hann tók við starfi þjálfara Borussia Dortmund. Hann bar því leikmaður eða þjálfari hjá Mainz 05 í átján ár og því hefur því skiljanlega miklar taugar til síns gamla félags.

Klopp náði frábærum árangri með Borussia Dortmund en það er ekki hægt að sjá annað en að Mainz-hjartað sé ennþá risastórt.

Mainz 05 lenti undir í upphafi leiks en svaraði síðan með þremur mörkum og vann sinn þriðja leik á tímabilinu.

Jürgen Klopp fagnaði vel öllum þremur mörkum Mainz-liðsins og smellti kossi á konu sína eftir hvert einasta mark. Yunus Malli var hetja kvöldsins en hann skoraði öll mörk Mainz í leiknum.

Þýsku sjónvarpsmennirnir voru að sjálfsögðu með myndavélar á Jürgen Klopp og fleiri gestum í heiðursstúkunni á Coface Arena. Hér fyrir neðan má sjá Jürgen Klopp fagna mörkum síns gamla félags.