Sjáðu ræðuna sem allir eru að tala um: Viola Davis kom sá og sigraði

67. Emmy-verðlaunahátíðin fór fram í gærkvöldi í Bandaríkjunum en Viola Davis vann Emmy-verðlaun í flokki leikkvenna í dramaþáttum fyrir hlutverk sitt í þáttunum How to Get Away With Murder.

Davis varð með því fyrsta þeldökka konan til að taka heim Emmy-verðlaun í þeim flokki.

Hún hélt virkilega tilfinningaþrungna ræðu þegar ljóst varð að hún hafði unnið.

„Það eina sem aðskilur konur af mismunandi litarhætti, eru tækifæri,“ sagði Davis í ræðu sinni í gær.

„Þú getur ekki unnið Emmy-verðlaun fyrir hlutverk sem eru ekki til staðar,“ sagði Davis í gær en ræðuna má sjá í heild sinni hér að neðan.