Rosalegt stuð á tónleikum Bang Gang og í eftirpartýinu - Myndir

Útgáfutónleikar Bang Gang voru haldnir þann 1. október síðastliðinn í Gamla Bíói. Fullt var út úr húsi en einnig komu fram hljómsveitin Gangly og breska sveitin Is Tropical þeytti skífum.

Sérstakir gestir á tónleikum Bang Gang voru þeir JB Dunckel úr franska dúettinum AIR og Daniel Hunt úr bresku sveitinni Ladytron. Einnig var með í för Jófríður Ákadóttir úr Samaris. Var því fjölmennt á sviðinu undir lok tónleikanna. Töluverður áhugi hjá erlendum fjölmiðlum var fyrir tónleikunum og mættu meðal annars : New York Observer, Nylon, La Repubblica, Noisey auk fjlölda annarra miðla.

Eftir tónleikana var haldið lokað partý í samstarfi við Símann + Spotify í Petersen svítunni í Gamla bíó. Franskættaði plötusnúðurinn Emmanuelle 5 sá um að halda upp i stuðinu og þar var mættu gestir og skáluðu í Brennivíns cocktail og Bríó bjór.

Þar mættu meðal annars : Gísli Pálmi, Dagur B. Eggertsson, borgarstjóri, Ragnheiður Elín Árnadóttir, iðnaðarráðherra, JB Dunckel, úr hljómsveitinni Air, Danny (Ladytron), Gary, Simon, Kirsty (Is Tropical) og svo mætti lengi telja.