Býr enn á hóteli Eiríkur Stefán Ásgeirsson skrifar 7. október 2015 06:30 Kolbeinn á æfingu landsliðsins í gær. vísir/vilhelm Kolbeinn Sigþórsson er kominn aftur á íslenskt gras og undirbýr sig nú fyrir landsleikina gegn Lettlandi og Tyrklandi í undankeppni EM 2016 ásamt félögum sínum í íslenska landsliðinu. Strákarnir eru sem kunnugt er nú þegar búnir að tryggja farseðilinn til Frakklands næsta sumar en ætla sér þó sigur í leikjunum tveimur og efsta sæti riðilsins. Kolbeinn gekk í sumar í raðir Nantes sem leikur í frönsku úrvalsdeildinni þrátt fyrir erfiðleika liðsins í deildinni og markaþurrð hans segir hann að sér líði vel. Hann flutti til Frakklands í júlí en býr þrátt fyrir það enn á hóteli í borginni.Þarf að bíða í tvær vikur í viðbót „Það er auðvitað ekki ákjósanlegt eins og gefur að skilja. En stundum er þetta svona þegar maður fer í nýtt lið. Við vorum búin að finna húsnæði sem við þurftum síðan að hætta við á síðustu stundu.“ Kolbeinn á sautján mánaða dóttur en fjölskyldan fær þó stærra húsnæði síðar í mánuðinum. „Ég þarf að bíða í tvær vikur í viðbót,“ segir hann. Hvað knattspyrnuna varðar þá segir Kolbeinn að honum líki vistin vel hjá Nantes. „Þetta er flottur klúbbur og aðstæður allar mjög góðar. Þetta er rólegt félag þó svo að það sé með ríka sögu á bak við sig. Maður finnur að þeir eru að byrja á því að byggja upp lið til framtíðar.“ Nantes tapaði fjórum leikjum í röð í síðasta mánuði en náði þó að fara inn í landsleikjahléið á góðum nótum eftir sigur á Lille fyrir viku. Nantes vann, 1-0, með marki strax á fimmtu mínútu. Kolbeinn segir að það sé dæmigert fyrir frönsku deildina. „Fótboltinn í Frakklandi er „physical“ og oft leitað að þessu fyrsta marki og svo bara pakkað í vörn. Ég er vanur því að vera í sóknarliði – líkt og hjá Ajax og íslenska landsliðinu. Mark með þeim liðum þýðir áframhaldandi hápressu og fleiri mörk. Þetta eru því ákveðin viðbrigði fyrir mig og ég þarf að ná mínu fyrsta marki til að kveikja almennilega í mér,“ segir Kolbeinn sem skynjar þó að það ríki þolinmæði í hans garð sem og liðsins alls. „Ég upplifði að menn voru mjög óþolinmóðir hjá Ajax en það er allt annað í gangi hjá Nantes. Við erum með ungt lið og sem stendur ekki hægt að gera kröfu um að vera í toppbaráttunni. Þetta er ólíkt að því leyti.“Fékk tveggja leikja bann Kolbeinn fékk að líta beint rautt spjald gegn Rennes um miðjan síðasta mánuð og tók út tveggja leikja bann vegna þess. Hann segir að það hafi verið ný reynsla fyrir sig. „Ég þurfti að fara til Parísar og útskýra mál mitt,“ sagði Kolbeinn og útskýrði að honum hafi ekki verið skylt að gera það en gert það til að fá vægari dóm. „Ég átti að fá þriggja leikja bann en forsetinn [hjá Nantes] bað mig um að koma með sér til Parísar og reyna að fá dóminn mildaðan. Mér tókst að fá hann niður í tvo leiki.“ Kolbeinn sagðist hafa gert sér strax grein fyrir því að hann hafi verið of seinn í tæklinguna í umræddu atviki. „Völlurinn var blautur en ég náði að kippa löppinni að mér áður en ég fór í manninn. Ég notaði það mér til málsvarnar enda ætlaði ég ekki að meiða hann. Ég held að þeir hafi tekið það til greina. Þar að auki er leikstíllinn í Frakklandi nokkuð nýr fyrir mér. Við fengum ekki einu sinni að tækla á æfingum með Ajax,“ segir hann og brosir.Allir þurftu að halda fyrir eyrun Nantes átti svo leik gegn Nice á útivelli um helgina en leiknum var aflýst vegna veðurs í upphafi síðari hálfleiks. Kolbeinn segist aldrei hafa lent í öðru eins. „Tveimur sekúndum fyrir leik slær niður eldingu rétt við völlinn, og það í grenjandi rigningu. Það þurftu allir að halda fyrir eyrun út af látunum. En þetta var mjög flott að byrja leikinn á þennan hátt,“ sagði Kolbeinn. „Þegar við komum út í seinni hálfleikinn sáum við að það hafði bætt enn í rigninguna. Það var eins og hellt úr fötu. Dómarinn bað okkur um að prófa að spila en það þýddi ekkert. Það kom stungusending inn fyrir en boltinn steindrapst í polli og ekkert annað að gera fyrir dómarann að flauta þetta af.“ Kolbeinn segist spenntur fyrir verkefnunum fram undan með landsliðinu en strákarnir mæta Lettlandi á laugardag og Tyrklandi ytra á þriðjudag. „Stuðningurinn hefur verið magnaður og þetta eru skemmtilegustu leikirnir sem maður spilar. Nú þurfum við að setja okkur ný markmið og einbeita okkur að því að vinna þessa tvo leiki. Það gæti skipt okkur miklu máli.“ EM 2016 í Frakklandi Mest lesið Uppgjörið: Þýskaland - Ísland 42-31 | Þrot í Þýskalandi Handbolti Líður alltaf yfir hana þegar hún kemur í mark Sport „Hefði séð eftir því alla ævi“ Íslenski boltinn KR - ÍA 109-75 | KR-ingar sýndu allar sínar bestu hliðar þegar þeir burstuðu Skagamenn Körfubolti Scholes hættir og setur einhverfan son sinn í fyrsta sætið Enski boltinn „Mjög sáttur með samninginn“ Íslenski boltinn „Hann ætti bara að skrifa afsökunarbiblíuna“ Körfubolti Uppgjörið: Valur - Grindavík 55-90 | Taplausir Grindvíkingar kjöldrógu Val Körfubolti Uppgjörið: Álftanes-Njarðvík 93-92 | Heitur Haukur var hetjan á Álftanesinu Körfubolti Rekinn fyrir ummæli sín um krabbameinssjúka handboltagoðsögn Handbolti Fleiri fréttir Juventus ræður Spalletti út tímabilið Meistaradeildin skiptir um bjór og Heineken snýr sér að padel Aron Einar kominn á toppinn Tölur úr Bestu: Hallgrímur Mar bjó til langflest færi Fantasýn: „Þessi vörn er eitthvað skrímsli“ Scholes hættir og setur einhverfan son sinn í fyrsta sætið Rúmar tvær milljónir í boði ef þú finnur hundinn hans Aarons Ramsey Carrick í einkaviðtali: Sigurinn á Anfield stór stund fyrir Man. Utd Hefur spilað 16 mínútur og fengið tvö rauð spjöld Bættu Evrópumet AC Milan liðsins með Gullit og Van Basten innanborðs Slot: Engin auka pressa við þetta tap Real Madrid vill stórar skaðabætur frá UEFA „Mjög sáttur með samninginn“ „Hefði séð eftir því alla ævi“ Magnús Már í viðræðum við HK Bað alla nema þjálfarann afsökunar Vísar slúðrinu til föðurhúsanna Ísak Bergmann lagði upp gegn Bayern „Við tókum bara þá ákvörðun að fara í Svanavatnið“ Albert og Mikael Egill í vondum málum á Ítalíu Palace neitar að sleppa takinu á Liverpool „Eitthvað sem ég mun aldrei gleyma“ Einkunnir Íslands: Þrjár heitastar í frostinu Viktor Bjarki skoraði og lagði upp í fyrsta byrjunarliðsleiknum Uppgjörið: Ísland - Norður-Írland 3-0 | Áfram hluti af elítunni Pedri gæti verið frá keppni til langs tíma Arteta fyrstur stjóranna á fætur Þorsteinn breytir engu á milli leikja Snjóbræðslukerfi Þróttar kom KSÍ til bjargar Tölur úr Bestu 2025: Klúðraði langflestum dauðafærum í sumar Sjá meira
Kolbeinn Sigþórsson er kominn aftur á íslenskt gras og undirbýr sig nú fyrir landsleikina gegn Lettlandi og Tyrklandi í undankeppni EM 2016 ásamt félögum sínum í íslenska landsliðinu. Strákarnir eru sem kunnugt er nú þegar búnir að tryggja farseðilinn til Frakklands næsta sumar en ætla sér þó sigur í leikjunum tveimur og efsta sæti riðilsins. Kolbeinn gekk í sumar í raðir Nantes sem leikur í frönsku úrvalsdeildinni þrátt fyrir erfiðleika liðsins í deildinni og markaþurrð hans segir hann að sér líði vel. Hann flutti til Frakklands í júlí en býr þrátt fyrir það enn á hóteli í borginni.Þarf að bíða í tvær vikur í viðbót „Það er auðvitað ekki ákjósanlegt eins og gefur að skilja. En stundum er þetta svona þegar maður fer í nýtt lið. Við vorum búin að finna húsnæði sem við þurftum síðan að hætta við á síðustu stundu.“ Kolbeinn á sautján mánaða dóttur en fjölskyldan fær þó stærra húsnæði síðar í mánuðinum. „Ég þarf að bíða í tvær vikur í viðbót,“ segir hann. Hvað knattspyrnuna varðar þá segir Kolbeinn að honum líki vistin vel hjá Nantes. „Þetta er flottur klúbbur og aðstæður allar mjög góðar. Þetta er rólegt félag þó svo að það sé með ríka sögu á bak við sig. Maður finnur að þeir eru að byrja á því að byggja upp lið til framtíðar.“ Nantes tapaði fjórum leikjum í röð í síðasta mánuði en náði þó að fara inn í landsleikjahléið á góðum nótum eftir sigur á Lille fyrir viku. Nantes vann, 1-0, með marki strax á fimmtu mínútu. Kolbeinn segir að það sé dæmigert fyrir frönsku deildina. „Fótboltinn í Frakklandi er „physical“ og oft leitað að þessu fyrsta marki og svo bara pakkað í vörn. Ég er vanur því að vera í sóknarliði – líkt og hjá Ajax og íslenska landsliðinu. Mark með þeim liðum þýðir áframhaldandi hápressu og fleiri mörk. Þetta eru því ákveðin viðbrigði fyrir mig og ég þarf að ná mínu fyrsta marki til að kveikja almennilega í mér,“ segir Kolbeinn sem skynjar þó að það ríki þolinmæði í hans garð sem og liðsins alls. „Ég upplifði að menn voru mjög óþolinmóðir hjá Ajax en það er allt annað í gangi hjá Nantes. Við erum með ungt lið og sem stendur ekki hægt að gera kröfu um að vera í toppbaráttunni. Þetta er ólíkt að því leyti.“Fékk tveggja leikja bann Kolbeinn fékk að líta beint rautt spjald gegn Rennes um miðjan síðasta mánuð og tók út tveggja leikja bann vegna þess. Hann segir að það hafi verið ný reynsla fyrir sig. „Ég þurfti að fara til Parísar og útskýra mál mitt,“ sagði Kolbeinn og útskýrði að honum hafi ekki verið skylt að gera það en gert það til að fá vægari dóm. „Ég átti að fá þriggja leikja bann en forsetinn [hjá Nantes] bað mig um að koma með sér til Parísar og reyna að fá dóminn mildaðan. Mér tókst að fá hann niður í tvo leiki.“ Kolbeinn sagðist hafa gert sér strax grein fyrir því að hann hafi verið of seinn í tæklinguna í umræddu atviki. „Völlurinn var blautur en ég náði að kippa löppinni að mér áður en ég fór í manninn. Ég notaði það mér til málsvarnar enda ætlaði ég ekki að meiða hann. Ég held að þeir hafi tekið það til greina. Þar að auki er leikstíllinn í Frakklandi nokkuð nýr fyrir mér. Við fengum ekki einu sinni að tækla á æfingum með Ajax,“ segir hann og brosir.Allir þurftu að halda fyrir eyrun Nantes átti svo leik gegn Nice á útivelli um helgina en leiknum var aflýst vegna veðurs í upphafi síðari hálfleiks. Kolbeinn segist aldrei hafa lent í öðru eins. „Tveimur sekúndum fyrir leik slær niður eldingu rétt við völlinn, og það í grenjandi rigningu. Það þurftu allir að halda fyrir eyrun út af látunum. En þetta var mjög flott að byrja leikinn á þennan hátt,“ sagði Kolbeinn. „Þegar við komum út í seinni hálfleikinn sáum við að það hafði bætt enn í rigninguna. Það var eins og hellt úr fötu. Dómarinn bað okkur um að prófa að spila en það þýddi ekkert. Það kom stungusending inn fyrir en boltinn steindrapst í polli og ekkert annað að gera fyrir dómarann að flauta þetta af.“ Kolbeinn segist spenntur fyrir verkefnunum fram undan með landsliðinu en strákarnir mæta Lettlandi á laugardag og Tyrklandi ytra á þriðjudag. „Stuðningurinn hefur verið magnaður og þetta eru skemmtilegustu leikirnir sem maður spilar. Nú þurfum við að setja okkur ný markmið og einbeita okkur að því að vinna þessa tvo leiki. Það gæti skipt okkur miklu máli.“
EM 2016 í Frakklandi Mest lesið Uppgjörið: Þýskaland - Ísland 42-31 | Þrot í Þýskalandi Handbolti Líður alltaf yfir hana þegar hún kemur í mark Sport „Hefði séð eftir því alla ævi“ Íslenski boltinn KR - ÍA 109-75 | KR-ingar sýndu allar sínar bestu hliðar þegar þeir burstuðu Skagamenn Körfubolti Scholes hættir og setur einhverfan son sinn í fyrsta sætið Enski boltinn „Mjög sáttur með samninginn“ Íslenski boltinn „Hann ætti bara að skrifa afsökunarbiblíuna“ Körfubolti Uppgjörið: Valur - Grindavík 55-90 | Taplausir Grindvíkingar kjöldrógu Val Körfubolti Uppgjörið: Álftanes-Njarðvík 93-92 | Heitur Haukur var hetjan á Álftanesinu Körfubolti Rekinn fyrir ummæli sín um krabbameinssjúka handboltagoðsögn Handbolti Fleiri fréttir Juventus ræður Spalletti út tímabilið Meistaradeildin skiptir um bjór og Heineken snýr sér að padel Aron Einar kominn á toppinn Tölur úr Bestu: Hallgrímur Mar bjó til langflest færi Fantasýn: „Þessi vörn er eitthvað skrímsli“ Scholes hættir og setur einhverfan son sinn í fyrsta sætið Rúmar tvær milljónir í boði ef þú finnur hundinn hans Aarons Ramsey Carrick í einkaviðtali: Sigurinn á Anfield stór stund fyrir Man. Utd Hefur spilað 16 mínútur og fengið tvö rauð spjöld Bættu Evrópumet AC Milan liðsins með Gullit og Van Basten innanborðs Slot: Engin auka pressa við þetta tap Real Madrid vill stórar skaðabætur frá UEFA „Mjög sáttur með samninginn“ „Hefði séð eftir því alla ævi“ Magnús Már í viðræðum við HK Bað alla nema þjálfarann afsökunar Vísar slúðrinu til föðurhúsanna Ísak Bergmann lagði upp gegn Bayern „Við tókum bara þá ákvörðun að fara í Svanavatnið“ Albert og Mikael Egill í vondum málum á Ítalíu Palace neitar að sleppa takinu á Liverpool „Eitthvað sem ég mun aldrei gleyma“ Einkunnir Íslands: Þrjár heitastar í frostinu Viktor Bjarki skoraði og lagði upp í fyrsta byrjunarliðsleiknum Uppgjörið: Ísland - Norður-Írland 3-0 | Áfram hluti af elítunni Pedri gæti verið frá keppni til langs tíma Arteta fyrstur stjóranna á fætur Þorsteinn breytir engu á milli leikja Snjóbræðslukerfi Þróttar kom KSÍ til bjargar Tölur úr Bestu 2025: Klúðraði langflestum dauðafærum í sumar Sjá meira