Hörður Björgvin með frábært mark í tapi | Sjáðu markið

Hörður Björgvin Magnússon skoraði eina mark Cesena í 1-3 tapi gegn Cagliari í ítölsku B-deildinni í dag en þetta var fyrsta mark hans fyrir félagið.

Hörður sem gekk til liðs við Cesena á ný á árs lánssamning frá Juventus í sumar byrjaði leikinn í miðverðinum og lék allar 90 mínúturnar í hjarta varnarinnar.

Tókst honum að minnka muninn í 1-2 á 73. mínútu leiksins úr aukaspyrnu af 25 metra færi en aðeins mínútu síðar bætti Cagliari við marki og gerði út um leikinn.

Cesena er í 3. sæti eftir leiki dagsins með 13 stig, þremur stigum á eftir toppliði Cagliari.

Fantastic free kick goal from @HordurM34 today for @cesenacalcio. #TeamTotalFootball pic.twitter.com/PH6cGoU6U8

— Total Football (@totalfl) October 11, 2015