Fyrsti Formúlu E kappaksturinn sýndur beint um næstu helgi | Myndband

Alain Prost, Richard Branson og Mario Andretti eiga allir lið í Formúlu E sem er kappaksturskeppni bíla sem notast við rafmagn frekar en hefðbundnara og óvistvænna eldsneyti.

Stöð 2 Sport sýnir á laugardaginn beint frá fyrstu keppni ársins í Formúlu E sem fer fram í Kína en þá verður keppt á Ólympíubrautinni í Peking.

Formúlu E er kappakstur rafmagnsbíla en mikið um framúrakstur í keppninni sem fer alltaf fram á götubrautum en keppt er í stórborgum eins og London, París,  Berlín, Moskvu, Peking og Buenos Aires.

Þetta er í fyrsta sinn sem Stöð 2 Sport sýnir frá Formúlu E en útsendingin hefst klukkan 7.30 á laugardagsmorguninn.

Margir þekktir ökumenn keyra í Formúlu E í dag en þá má nefna ökumenn eins og þá Jack Villeneuve, Nick Heidfeld, Bruno Senna, Nelson Piquet jr, Jean Eric Vergne, Sebastian Buemi, Lucas Digrassi, og Liuzzi.

Kristján Einar Kristjánsson, formúlusérfræðingur Íþróttadeildar 365, fór yfir komandi Formúlu E tímabilið og má sjá yfirferð hans í spilaranum hér fyrir ofan eða neðan.