Bpro dreifingaraðili ársins hjá LabelM

Íslenska hárvöruheildsalan Bpro, var valin LabelM dreifingaraðili ársins á stórri sýningu LabelM og Toni & Guy á dögunum, en sýningin var hluti af London Fashion Week.

Í fyrra fengu þau verðlaun fyrir almannatengsl og markaðsmál, og lentu í öðru sæti sem dreifingarðaili ársins. Það var því ekkert annað í stöðunni en að spýta í lófana og hreppa stóru verðlaunin í ár, sem síðan tókst.

Fyrir ekki stærri dreifingaraðilia en þetta, er þetta mikil viðurkenning en í sama flokki voru stór lönd á borð við Ítalíu og Bretland.

„Þetta væri ekki hægt nema með þeim gríðarlega stuðningi sem við fáum frá okkar tryggu viðskiptavinum sem halda lífinu og fjörinu í okkur gangandi allt árið um kring.

Og ekki má gleyma okkar kröftuga og ástríðurfulla starfshópi sem leggur sig allan fram við að veita faglegustu þjónustu sem völ er á. Þessi verðlaun hafa gefið okkur gríðarlega viðurkenningu og kraft til að halda áfram að byggja upp okkar fag á íslenskum markaði,“  segir Baldur Rafn Gylfason, eigandi Bpro.