Stelpur rokka á Airwaves í dag

Stelpur rokka! eru feminísk sjálfboðaliðasamtök sem efla og styrkja ungar stelpur og transkrakka í gegnum tónlistarsköpun og jafnréttisfræðslu.

Samtökin standa fyrir Iceland Airwaves Off venue-tónleikadagskrá á LOFT Hostel í Bankastræti í dag. Þar koma fram hljómsveitir sem koma að samtökunum á einhvern hátt eða/og styðja málstað þeirra.

Dagskráin í dag er svohljóðandi:

15:15 Bláskjár

16:00 Rauður

16:45 Börn

17:30 EAST OF MY YOUTH

18:15 Dream Wife

19:00 Tuff Love



Frítt er inn fyrir alla og aðgengi fyrir fólk með hreyfihömlun til staðar. Airwaves-armbönd ekki nauðsynleg. Stelpur Rokka! verða á svæðinu með ýmsan varning til sölu til styrktar starfinu.

Uppfært kl. 20. Ísland í dag kíkti á dagskránna á LOFT Hostel og ræddi meðal annars við skipuleggjendurna Margréti Hugadóttur og Dönu Rún Hákonardóttur. Innslagið má sjá hér fyrir neðan.