Sampdoria rak Zenga

Markvarðargoðsögnin Walter Zenga er atvinnulaus eftir að hafa misst starf sitt hjá Sampdoria.

Sampdoria ákvað að reka hann eftir aðeins tólf leiki í ítölsku úrvalsdeildinni.

Þjálfaraferill Zenga hjá Sampa var því ansi suttur en hann var ráðinn síðasta sumar. Hann lék með félaginu í tvö ár á sínum tíma.

Sampdoria náði sjöunda sæti í deildinni í fyrra en er nú í tíunda sæti deildarinnar og árangurin ekki verið eins góður og vonir stóðu til. Liðið hefur aðeins unnið einn af síðustu sjö leikjum sínum.

Gamla markamaskínan Vincenzo Montella er talinn vera líklegur arftaki Zenga hjá félaginu.