Rekinn fyrir að vera of neikvæður

Þó svo hafnaboltaliðið Miami Marlins hafi lítið getað síðustu árin þá má greinilega ekki segja sannleikann um liðið.

Það hefur sjónvarpsmaðurinn Tommy Hutton nú fengið að reyna en hann hefur verið rekinn eftir að hafa lýst leikjum liðsins í nítján ár.

Samkvæmt heimildum blaða í Miami ástæðan sú að forráðamönnum Marlins finnst hann vera of neikvæður út í Marlins í lýsingum sínum.

Hutton þótti ástríðufullur lýsari og gagnrýndi liðið þegar það átti við.

„Ég veit að ég var neikvæður á stundum en mér fannst gagnrýnin réttmæt er ég kom með hana. 90 prósent af því sem ég segi um liðið er samt jákvætt og það vissu allir að ég vildi að Marlins gengi vel," sagði Hutton svekktur.