Pútín gerður ódauðlegur í formi súkkulaðis

Nikita Gusev, listamaður í Rússlandi, hefur gert súkkulaði styttu af þjóðarleiðtoga sínum Vladimir Pútín. Styttan er í sömu hlutföllum og maðurinn sjálfur og hann er eini sem má bragða af henni.

Ákveðið var að gera Pútín ódauðlegan með styttunni, sem vegur 77 kíló, en hún verður til sýnis á súkkulaðihátíð í Pétursborg. Gestir eru varaðir við að þeir megi ekki snerta eða bragða á styttunni. Pútín einn má gera það.

Þetta er ekki í fyrsta sinn sem Gusev gerir slíkt listaverk, hann hefur einnig gert súkkulaðistyttur af Jósef Stalín og Michael Jackson.

Hér fyrir neðan má sjá myndskeið sem sýnir gerð styttunnar. Sjón er sögu ríkari.

Only Vladimir Putin is allowed to eat this chocolate statue of Vladimir Putin.

Posted by INSIDER on Thursday, 3 December 2015